غسالات الملابس


5 نصائح لاطالة عمر الغساله الاتوماتيك وتعمر معاكى فترة اطول
ازاى تحافظى على الغساله الاتوماتيك,العنايه بالغساله,تطويل عمر الغساله,تنظيف الغساله الاتوماتيك,المحافظه,التخلص من روائح الغساله الاتوماتيك

ازاى تطولى عمر الغساله وتخليها شغاله على طول بدون اعطال او مشاكل 
الغسالات الاتوماتيك السحريه اللى بتغسل هدومنا وبتشيل البقع فى ساعه او اقل محتاجه منا معامله خاصه عشان تفضل على نفس المستوى فى النظافه والشغل

1. تنظيف الغساله بشكل دورى
لو الملابس مش بتخرج نظيفه ولاقيتى ليها ريحه يبقى غسالتك محتاجه تنظيف داخلى وتشغيلها دوره فاضيه على الماء السخن مع اضافة محلول او مسحوق منظف ومعقم للغساله لازالة روائح الغساله الكريهه والمحلول عباره عن كوب الا ربع مبيض كلوركس وملعقه كبيره من مسحوق الغساله الاتوماتيك وشغلى الغساله دوره على الفاضى لغساله وغسيل من غير ريحه او ممكن تشغليها على دورة خل

ولتنظيف بكر وزراير تشغيل الغساله ممكن مسحها بقطعة قماش مبلله بسيط بصابون غسل الصحون السايل مخفف بالماء

2- ابقاء باب الغساله مفتوحه بعد انتهاء دورة الغسيل
ليه تسيبى غطاء او باب الغساله مفتوح بعد ماتخلص غسيل عشان تسمحى للرطوبه تخرج من الغساله 
وماتنسيس تجفيف كاوتش الغساله اللى بيكون فيه كمية ميه متبقيه فتعمر معاكى مده اطول

3- حماية سطح الغساله العلوى
بعدم وضع اى شىء قابل للانسكاب فوق الغساله وخصوصا العصائر او المشروبات اللى فيها سكر ليه؟؟
عشان نسيتى تزيلى اثار العصير هينشف وهيلزق فوق سطح الغساله المغطاه بطبقة من البورسلين المينا اوالمينا الصناعيه 
والمشكله ان البقعه اللاصقه محتاجه محلول تنظيف زى الامونيا او الكلور لتنظيفها وده ممكن يسبب خدش فى الطلاء وتتقشر

4. ابعدى الادوات الحاده عن سطح الغساله
لو بتستعملى سطح الغساله حاولى تحطى فوطه او منشفه سميكه لحماية السطح من البقع وكمان حاولى تجنب الادوات الحاده كالسكين او المقص


5-تاكدى من توصيلات خراطيم المياه والصرف

حاولى تتاكدىى دايما ان وصلات خرطوم المياه المتوصل بالغساله غير مثنى 
لان لو غسالتك قديمه وخرطوم الصرف فيه ثنيات ممكن يحصل تسرب الميه على الارض ويبقى عندك بحر

واخيرا حاولى تتركى فتره زمنيه كبيره بين كل غسله والتانيه